Sá drengur er ritar hér ber nafnið Bergur. Hann er kempa eins og ætti ekki að fara framhjá lesendum þessarar bloggsíðuHér á þessari guðsvoluðu síðu kemur kempan hugsunum sínum á starfrænt form. Enda er mjög mikilvægt að vera á tánum og nota sér tækni nútímans. Það á að grípa gæsina meðan hún gefst, þetta er mikið speki, svokölluð kempuspeki Kempuspeki er dularfullt fyrirbæri, enginn skilur hana algerlega nema kempan sjálf. Krakkar ekki vera svo með eitthvað helvítis djöfulsins andskotans orðbragð hérna á síðunni. Annars fáiði karöflu eða vont nammi í skóinn, jább, það er rétt, ég ræð yfir jólasveinum.


föstudagur, október 26, 2007

Ég fór áðan að skokka, það var ömurlega kalt, ég fékk svona brainfreeze eða heilafrysting sem er nýyrði sem ég var að búa til núna rétt í þessu. Vá ég er ógeðslega ánægður með þetta orð, það var ekkert orð yfir brainfreeze á íslensku sem ég vissi af, nú er það komið "heilafrystingur". Nafnorðið heilafrystingur og sögnin að heilfrysta. Mér finnst þetta alveg fáránlega ánægjulegt. Kannski ég fari bara í íslensku í háskólanum og í nýyrðafræði, ásamt djammfræði að sjálfsögðu.

En ég ætlaði nú að segja ykkur meira frá lífi mínu en ákvað skyndilega að snúa þessu hring og ræða enn frekar um þetta nýja orð sem mun að öllum líkindum kollvarpa öllu sem mannkynið trúir á. Að minnsta kosti þeir sem mæla íslensku.


Heilafrystingur. Það sem er svo gaman við þetta sem snjallir menn og dömur hafa væntanlega séð að þetta er grunsamlega líkt orðinu heilahristingur sem er einmitt viðurkennt læknisfræðilegt hugtak. Það geta allir fengið heilahristing, meira að segja Nemanja Vidic sem er harðasti motherfokker í bransanum. Ég efast þó um að hann hafi fengið heilafrysting, það þarf að setja grímuna á Nemanja í fokking alkul til að hann fái heilafrysting, geri ég persónulega ráð fyrir. Frábært, þetta er að smella saman.



Harði djöfull.

Það er auðvitað möguleiki að e-m öðrum hafi dottið þetta í hug og þetta hugtak hafi bara algjörlega farið framhjá mér í amstri lífsins, ég vona þó ekki. Ef slíkt mál kemur upp þá hef ég ákveðið að taka ekki mark á slíkri bábilju.


En aftur að skokkinu, ég kom heim kaldur og blautur, ég fór að væla.


Þessi skrif hefðu verið fáránlega súr hefði nýyrða-Burgie ekki skotið upp kollinum. jahh svei mér þá.




burg.

| þriðjudagur, október 23, 2007

Ég var á götunni í dag eins og gerist nánast á hverjum degi núna. Ég var á vappi í Hafnarstrætinu leitandi að lögbrjótum þegar þessi indæla gamla kona kemur upp að mér og segir:


Gamla kona: Ég er alveg lögleg þarna er það ekki?

beggi: Jújú, ef það er mælir við bifreiðina.

Gamla kona: Já, það er mælir fyrir framan hana.

beggi: Þá ætti þetta að vera í lagi.

Gamla kona: Það er 14 mínútur í mælinum og ég er svona 10 cm upp á gangstétt.

beggi: Ég ætla nú ekki að refsa þér fyrir það.



Svona eftir á að hyggja hefði ég ekki á nota sögnina "að refsa". Ég hló. Gamla konan hló líka. Aðhlátursefnið var hins vegar ekki það sama hjá báðum aðilum, gamla konan var að hlæja af hamingju vegna þess að hún hafi hitt svona fáránlega nettan stöðumælavörð, undirritaður hló hins vegar af því að hann notaði sögnina "að refsa" í samtali við gamla konu.


Fjöríessu.


burg.

| sunnudagur, október 21, 2007

Eins og frægt er orðið þá fór undirritaður á árshátíð stöðumælavarða í gær. Okkur var boðið á þessa Hemma Gunn skemmtun, með Hara systrum, Gurrí Gurr, Bjarna Ara, Raggz Bjass og fleiri góðum. Þetta var nú allt gott og blessað.


Það sem kom mér hins vegar mest á óvart var maðurinn sem tók að sér starf dyravarðar þetta kvöld. Það var Magnús fokking Ver Magnússon. Enginn annar, það þurfti ekki fleiri, hann stóð þarna vaktina einn, enda engin ástæða til annars. Þú færð ekki mikið meira mannafl en frá þessum eina Magga, ef þú ætlar að fá fleiri menn þá væri það bara klink.


Ég lofaði sjálfum mér að ég myndi ekki vera með vesen þetta kvöld. Hann myndi væntanlega rífa handlegginn af mér ef ég væri með e-ð disrespekt. Ég hélt mér rólegum, guð sé lof.


Ég kemst samt ekki yfir það hversu ógeðslega töff það er að fá Magnús Ver sem dyravörð. Ég ætla að fá hann í dyravörsluna þegar ég held næsta stóra afmælið. Hugsið ykkur, Magga að standa í dyragættinni á Djammgörðum 16. Myndi fylla upp í dyragættina brýnandi sína karlmannlegu raust um að fólk ætti að bakka annars myndi hann fleygja því til Osló. Svo gæti hann verið með skemmtiatriði, rifið fólk í sundur, borðað 85 kg af nautakjöti á 8 mín eða bara sagt skrýtlur frá því þegar hann var fokking sterkasti maður í heiminum.



Líst veláidda.


burg.

| laugardagur, október 20, 2007

Föstudagur...

8 km skokk og gömul mörk úr Úrvalsdeildinni. Gott.

Laugardagur...


Árshátíð stöðumælavarða....spennið beltin. Já spennið beltin segi ég.


Airwaves....paaaajifff.





burg.

| föstudagur, október 19, 2007

Ísland hefði bara plummað sig ágætlega á vestur og austurvígstöðvunum í WWII. Þetta vopnabúr sem við erum með þarna í laugum, byssusýning. Manni líður alltaf eins og asna þegar maður kemur þarna í sakleysi sínu að lyfta nokkrum lóðum en sé fjölda náunga með handleggi sverari en lærin á manni. Þeir kurla bara hvorn annan.

Stöndum líka bara ágætlega að vígi ef WWIII brestur á, ég hef engar áhyggjur alls ekki.


Ég var að hugsa um að taka smá nostalgíugaman hérna og henda stundum inn nokkrum myndum frá Tyrklandi, útskriftarferð MR 2006, góðir tímar. Þessa kalla ég melónufjör.




burg.

| miðvikudagur, október 17, 2007

Undirritaður fór í líkamsræktarstöðina Laugar núna fyrr í kvöld. Það er kannski ekki frásögufærandi nema það að þegar ég var búinn skokka mína 5 km þá fór ég og nældi mér í handklæði og fékk mér vatnssopa. Það er heldur ekki frásögufærandi. Það sem er hins vegar frásögufærandi er það að, takið eftir að ég er búinn að nota orðið frásögufærandi núna fjórum sinnum. En ég tók eftir því að bolurinn sem ég klæddist í var á röngunni. Á röngunni!


Ég skammaðist mín svo hrottalega mikið að ég man bara ekki eftir öðru eins. Ég hljóp niður í klefa reyndi að fela tárin og lagaði bolinn og dreif mig aftur upp og reyndi að takast á við þetta. Brosti svona vandræðalega til allra sem gáfu mér auga. Ég ætlaði að reyna feika falda myndavél en komst að þeirri niðurstöðu að það væri of mikið mál. Að lokum fann mér ég náunga sem var með tryllta axlarvöðva og hann lánaði mér músklaða öxl til að gráta á. Hann heitir Sverrir og er í skóla lífsins, meira svona anabólískur lífsins, tryllt massaður. Ég ætla að reyna finna hann á myspace og verða vinur hans. Kannski sendi ég honum message á myspace og þakka honum innilega fyrir veitta ást.

Sé til. Kannski þori ég því ekki.




Burg.

| þriðjudagur, október 16, 2007

Já það var kuldi á götum Reykjavíkur, stöðumælavörðurinn Bergur kunni ekki að meta slíkan kulda enda var hann ólöglegur. Ég á þó eftir að skoða það mál betur. Má kannski ekki henda þessu á borðið, þessari staðreynd um ólögmæti veðursins. Mínir menn eru þó að vinna í þessu og ég bið bara landsmenn um að bíða enn um sinn.



Ég var að hugsa um að fara pumpa járn með honum Gunnari Erni. Hugsið ykkur,massaðir stöðumælaverðir...heitt. Ekki margar stórborgir sem bjóða upp á slíkt, sei sei.





Burgalicious

| mánudagur, október 15, 2007

Djöfull er Gísli Marteinn nettur. Skoppandi um Ráðhúsið klukkan tæplega 9 á mánudagsmorgni öskrandi "góðan daginn" við allt sem hreyfist.



...sjúki djöfull.




Burgalicious

| sunnudagur, október 14, 2007

Ég er nú eiginlega að svindla. Ég er kannski ekki að svindla meðvitað. Þannig er mál með vexti að ég innbyrgði töluvert meira magn af vínanda síðastliðna nótt en ég geri venjulega. Það er kannski ekki frá sögu færandi nema það að ég svaf í svona 5 tíma samt sem áður já er ég laus við alla ónotatilfinningu, magnað alveg.

Það má kannski rekja þetta til þess að ég skokkaði heim úr bænum, fékk mér A,B,C vítamín,lýsi og drakk og drakk 1 líter af vatni.

Samt snilld. Ég er eiginlega búinn að bíða eftir brotlendingu í allan dag og verið þess vegna upp í rúmi allan dag ber að ofan og gert ekki rassgat. Sem er vel. Samt ekki alveg, ég ætla nú að reyna að fara skokka þegar líður á kvöldið, við sjáum til hvernig það fer. Það kemur kannski málinu ekkert við að ég hafi verið ber að ofan, ég bara setti þetta inn til þess að æsa lesendur,

Læt mynd fylgja sem ég tók l 12:48 í morgun, 23 mínútum eftir að ég vaknaði, flexnettur miðað við. Tek það þó fram að ég var búinn að greiða ljónsmakkan, maður verður einfaldlega að hemja þennan djöful.






Burgalicious

| föstudagur, október 12, 2007

Já, ég var settur hingað aftur í Ráðhúsið. Get ekki sagt annað en það sé huggulegt að hanga inni svona 2-4 daga svona einstöku sinnum. Ég er nú samt orðinn frekar eirðarlaus hérna, auðvitað ætti ég að vera vinna lög fyrir Sjampó en listin hagar sér ekki eins og hundur sem hleypur í átt að manni þegar maður kallar til hans. Listin er mikið mun flóknari en svo. Það má nú segja að listin sé líf mitt þessa dagana og auðvitað má einnig færa rök fyrir því að líf mitt sé list. Það má ræða þetta í langan tíma en ég kýs persónulega að gera það ekki. Kannski má ræða ástæður fyrir því svo dögum skiptir en ég tel það ekki vera viðeigandi á þessum tiltekna vettvangi.


En að öðru, ég tel meira en líklegt að það hafi verið mér að þakka/kenna fer eftir því hvernig þú lítur á það að þessi nýja borgarstjórn myndaðist. Þetta hljómar kannski fáránlega en jú...lítum á málið.


Miðvikudaginn síðastliðinn þegar ég var að leysa af hérna í Ráðhúsinu bjallaði Dagur B. Gertz á mig í intercominu sem við erum hérna með frá bílastæðahúsinu og bað mig um að hleypa sér inn af því hann hafði gleymt bílastæðakortinu sínu, ég hleypti manninum að sjálfsögðu inn enda bý ég yfir gífurlega mikillli þjónustulund.


Bíðið nú aðeins við...hvað hefði gerst hefði ég ekki hleypt honum inn og sagt að hann yrði að sækja kortið, sem er auðvitað fávitaskapur af því ég er alltaf að hleypa fólki inn sem hefur geymt kortinu sínu, en ef ég hefði ekki hleypt honum inn hefði hann kannski ekki, kannski ekki náð að ræða við e-a aðila fyrir e-n ákveðinn tíma og Bjössi og Villi hefðu náð að ræða betur saman og leysa málið.


Þetta er allt gífurlega ólíklegt að þetta hefði verið niðurstaðan og eiginlega ómögulegt...en kannski, bara kannski.


Bílastæðasjóður er mikilvægari en þið haldið börnin góð.



Burgalicious.

| miðvikudagur, október 10, 2007

Bergur var að vinna sína daglegu vinnu um daginn, að gjaldsetja bifreiðar eins og kannski flestir sem lesa þessar hugrenningar mínar vita nú þegar.


Þannig er mál með vexti að þegar ég var að skrifa á bifreið kom roskinn maður arkandi til mín æpandi.

Gamli maður: Halló, ég er á þessum bíl

Beggi ljúfi: okei, ekkert mál.

Gamli maður: Ég er svo slæmur í bakinu...

Beggi ljúfi: ekkert mál

Gamli maður: Ég er svo slæmur í bakinu og skrapp bara aðeins.

Beggi ljúfi: okei.

Gamli maður: Ég er svo slæmur í bakinu og ég skrapp til að skipta 1000 kallinum mínum til að borga í mælinn.

Beggi ljúfi: Ekkert mál.

Svo fór hann í bílinn og borgaði ekki bofs. Mig langaði samt að segja við hann:"mister old man you had me at hallo". En gamli maðurinn keyrði burt með glott á vör bíðandi eftir að geta hrellt fleiri unglinga með því að ljúga að þeim, svíkja þá um candís eða eitthvað því um líkt.


Nei ég er nú eiginlega ekki unglingur ennþá, hvað er ég? Ég er ekki karlmaður ennþá eða það finnst mér ekki, ekki táningur, ekki unglingur....meistari? Ég hlýt einfaldlega að vera meistari.


Burgalicious

| sunnudagur, október 07, 2007

Ég tók alveg fáránlega góða upphitun fyrir kvöldið í gær. Ég tók um það bil 36 mínútna langt bað, svona mintubað, Lá og hugsaði með Pavarotti á fóninum. Alveg virkilega frambærileg athöfn, uss já. Leið alveg gjörsamlega frábærlega eftir þetta og var tilbúinn í slaginn. Mintuleginn Bergatron var tilbúinn að stimpla sig inn.


Talandi um að stimpla sig inn á djammvaktina, þá sá ég Lalla Johns á trylltri yfirvinnu um kl 11:15 á austurvelli, greinilega búinn að stimpla sig inn fyrir þó nokkru síðan, það getur náttúrulega verið að han stimpli sig aldrei út, þess vegna fær hann ekki laun, bastarður.


Á heimleiðinni reyndum við drengir að sannfæra Agnar rútubílstjóra um að skutla okkur heim í leiðinni þar sem hann var að fara skutla e-m bölvuðum Hollendingum útá flugvöll, hann var heldur tregur til, svo við kvöddum bara Hollendingana, þökkuðum þeim fyrir að heimsækja landið okkar og óskuðum þeim góðrar ferðar heim. Þeir voru flestallir frekar súrir.


Ég held bara að margir Hollendingar séu súrir. Byrjaði með Jóhanni Kalvín sem bara strangtrúaður leiðindababar, held að Hollendingar séu enn þá að ná sér eftir Kalvínisman, þeir eru þó byrjaðir held ég að segja skrýtlur af og til. Nei nú er ég bara að tala út úr rassgatinu á mér.



Burgalicious

| laugardagur, október 06, 2007

Er þessi maður hérna...


Ronaldo vs Wigan skill underground
Uploaded by simaodcosta




haha, snilld.

4 kvikindi ekki hægt annað en að vera sáttur.

Uppfært:

Ég var að hugsa um að setja e-ð hérna inn fyrir kvenfólkið en svo hugsaði ég...hey Cristiano Ronaldo er á þessu myndbandi, það er nóg fyrir alla.




Burgalicious

| fimmtudagur, október 04, 2007

Á morgun sest undirritaður aftur á skólabekk, ef skólabekk má kalla, öllu heldur námskeið. Þetta námskeið er á vegum Reykjavíkurborgar, mér er skylt að mæta á slíkt námskeið verandi stöðuvörður. Ég var nú ekkert gífurlega ánægður með þetta bras þangað til ég sá verðurspána fyrir morgundaginn...rok og rigning, jess kjeppz fær inniveru.


Þetta námskeið snýst um kvartanir og erfiða viðskiptavini,fer að sjálfsögðu beint á ferilsskránna mína. Ég geri fastlega ráð fyrir því að eftir þetta námskeið geti ég breytt óánægðum viðskiptavini í káta mannveru. Jafnvel verður þetta svo gott að viðkomandi þarf ekki einu sinni að vera viðskiptavinur, bara mannvera. Ég get sem sagt breytt geði allra guma á jörðinni, smá vísun þarna, hver er fljótastur að svara, hann fær ekki rassgat í verðlaun en tryllt respekt frá meistara mér. Þetta er nú ekki erfitt, ég er bara að reyna virkja almenning.En aftur að námskeiðinu góða, það væri nú huggulegt að geta breytt fýlupúka í grínmeistara.

Ég gerði mig nú sekan um slíkt fyrir nokkrum árum þegar ég var að stíga mín frystu skref í Menntaskólanum, þegar drengirnir tveir gerðu mikið gys á kostnað minn þá fór ég í svokallaðan "Begga" við mikla kátínu þeirra, þessi "Beggi" lýsti sér þannig að ég talaði ekki við neinn og svaraði engum. Það leið þó ekki á löngu þangað til ég breyttist aftur í grínmeistarann sem ég er í dag. Það var aldrei mikil alvara í þessari fýlu...bara stundum.


En að öðru Hljómsveitin Sjampó tók sér hlé um óráðin tíma vegna undirliggjandi pirrings innan hljómsveitarinnar, ákveðið var að slíta samstarfinu tímabundið áður allt myndi upp úr sjóða, allir meðlimir bandsins eru sáttir með þessa niðurstöðu og hafa ekkert meira að segja um málið.


Ekki örvænta börnin góð Sjampó dettur bráðlega aftur inn á the djammlane.



Burgalicious

| miðvikudagur, október 03, 2007

Já krakkar það er gaman að leika sér að orðum og ætla sko að gera það núna. Stöðumælavörðurinn ég var að gjaldsetja bifreið eina í miðbæ Reykjavíkur í dag, sá svo að tvær stelpur veifuðu til mín og var þetta greinilega þeirra bifreið, svo ég hætti að skrifa miðann og hélt áfram, þær löbbuðu svo framhjá mér talandi eitthvað bölvað hrognamál og sögðu You have a very bad job, bad job með svona pólverskum hreimi, ég er þó ekki handviss um að þessar stelpur hafi verið frá Póllandi en sagan verður skemmtilegri og orðaleikurinn líka af því pólskuleg og fólskuleg eru lík orð...haha.

En þetta sagði ein stúlkan við mig og gaf mér illt auga, pólskt illt auga sem er mun verra en þetta venjulega illa auga sem maður fær oft á dag frá gömlu fólki sem sér mann P-aðan í drasl.

Það hefði verið gaman að koma með eitthvað gott feis á móti eins og:


1. No you have a bad job!

2. haha Nazis fucked you up in WW2.

3. You have a ugly car and a ugly face.

4. Polish food is bad...not my job.


En ég var einfaldlega ekki á tánum, þannig að mér líður eiginlega eins og asna. Þær tóku þess lotu en guð minn góður ég á eftir að hefna mín á einhvern hátt.


Burgalicious

| þriðjudagur, október 02, 2007

Ég var að ganga um götur Reykjavíkur í dag eins og ég geri manna best. Ég mætti crewi, fyrst um sinn var ég eilítið skelfdur en náði þá áttum. Það sem kom mér svona á óvart var hversu ljótir þessir kjeppz voru, þeir töldu svona 7-9 drengi.

Þá hugsaði ég mér....


Mikið ofboðslega er ég heppinn að vera svona sætur og nettur.



Burgalicious

|

Ýmsar upplýsingar:

msn: beggibambus@hotmail.com meil: bergurg@gmail.com